- 专辑介绍
- 歌词
- 专辑列表
王俊杰
-
凤娇姆仔的彼担米粉炒(王俊杰)
作词:王俊杰 作曲:王俊杰 编曲:王俊杰
伊孤孤单单单单一个人 踮伫市场角仔 排一担米粉炒 出入内外的人 拢会听着伊亲切的叫声 先生小姐囝仔兄 遮坐欲爱啥
无看见有人佮伊作伴 毋怎知影伊的身世是按怎 只有一只跛脚的乌狗佮伊来作伴 一碗四神汤 一盘米粉炒 数十年来好天落雨拢伫遮 一碗四神汤 一盘米粉炒 阮拢叫伊凤娇姆仔
凤娇姆仔咧唸歌 较唸嘛是彼首歌 凤娇姆仔爱唸歌 较唸嘛是唸袂煞 伊讲自古红颜多薄命 红颜多薄命 凤娇姆仔彼担米粉炒 炒著无仝款人客的运命 凤娇姆仔彼担米粉炒 炒著彼个毋知影名的乌狗兄 凤娇姆仔彼担米粉炒,炒著岁月流转的变化 凤娇姆仔彼担米粉炒,炒著伊已经变白的头鬃 凤娇姆仔彼担米粉炒,炒著市场内外的喝声 凤娇姆仔彼担米粉炒,炒著怹囝伫笼仔内的哭声
伊的故事阮到大汉才知影 伊自细予人做养女 大汉为著家庭去做酒家女 无疑故熟识彼个乌狗兄 生一个囝 现在予人判无期徒 伫笼仔内咧算日头影
--------------------------------------------------
《凤娇姆仔的彼担米粉炒》Hōng-kiau-ḿ--á ê Hit Tànn Bí-hún-tshá 王俊杰Ông Tsùn-kia̍t
伊孤孤单单一个人 i koo-koo-tuann-tuann tsi̍t-ê-lâng 踮伫市场角仔 tiàm-tī tshī-tiûnn kak-á 排一担米粉炒 pâi tsi̍t-tànn bí-hún-tshá 出入内外的人 tshut-ji̍p lāi-guā ê lâng 拢会听着 lóng ē thiann-tio̍h 伊亲切的叫声 i tshin-tshiat ê kiò-siann 先生小姐囡仔兄 se̋n-sé xiǎojiě gín-á-hiann 遮坐 tsia tsē 欲爱啥 beh ài siánn
无看见有人佮伊做伴 bô khuànn-kìnn ū-lâng kah i tsuè-phuānn 毋知影伊的身世是按怎 m̄ tsai-iánn i ê sin-sè sī án-tsuánn 只有一只跛跤的乌狗 tsí-ū tsi̍t-tsiah pái-kha ê oo-káu 佮伊来做伴 kah i lâi tsuè-phuānn
一碗四神汤 tsi̍t-uánn sù-sîn-thng 一盘米粉炒 tsi̍t-puânn bí-hún-tshá 数十年来 sòo-tsa̍p nî lâi 好天落雨拢伫遮 hó-thinn lo̍h-hōo lóng tī tsia 一碗四神汤 tsi̍t-uánn sù-sîn-thng 一盘米粉炒 tsi̍t-puânn bí-hún-tshá 阮拢叫伊凤娇姆仔 gún lóng kiò i Hōng-kiau-ḿ--á
凤娇姆仔咧唸歌 Hōng-kiau-ḿ--á leh liām-kua 较唸嘛是彼首歌 khah liām mā sī hit siú kua 凤娇姆仔爱唸歌 Hōng-kiau-ḿ--á ài liām-kua 较唸嘛是唸袂煞 khah liām mā sī liām buē suah 伊讲自古红颜多薄命 i kóng tsū-kóo hông-gân to po̍k-bīng 更多更详尽歌词 在 ※ Mojim.com 魔镜歌词网 红颜多薄命 hông-gân to po̍k-bīng
凤娇姆仔彼担米粉炒 Hōng-kiau-ḿ--á hit tànn bí-hún-tshá 炒著无仝款人客的运命 tshá tio̍h bô kāng-khuán lâng-kheh ê ūn-miā 凤娇姆仔彼担米粉炒 Hōng-kiau-ḿ--á hit tànn bí-hún-tshá 炒著毋知影名的乌狗兄 tshá tio̍h m̄ tsai-iánn miâ ê oo-káu-hiann 凤娇姆仔彼担米粉炒 Hōng-kiau-ḿ--á hit tànn bí-hún-tshá 炒著岁月流转的变化 tshá tio̍h suè-gua̍t liû-tsuán ê piàn-huà 凤娇姆仔彼担米粉炒 Hōng-kiau-ḿ--á hit tànn bí-hún-tshá 炒著伊已经变白的头鬃 tshá tio̍h i í-king piàn pe̍h ê thâu-tsang 凤娇姆仔彼担米粉炒 Hōng-kiau-ḿ--á hit tànn bí-hún-tshá 炒著市场内外的喝声 tshá tio̍h tshī-tiûnn lāi-guā ê huah-siann 凤娇姆仔彼担米粉炒 Hōng-kiau-ḿ--á hit tànn bí-hún-tshá 炒著怹囝伫笼仔内的哭声 tshá tio̍h in kiánn tī lông-á-lāi ê khàu-siann
伊的故事阮到大汉才知影 i ê kòo-sū gún kàu tuā-hàn tsiah tsai-iánn 伊自细予人做养女 i tsū sè hōo-lâng tsò ióng-lú 大汉为著家庭 tuā-hàn uī-tio̍h ka-tîng 去做酒家女 khì tsò tsiú-ka-lú 无疑悟熟似一个乌狗兄 bô-gî-ngōo si̍k-sāi tsi̍t-ê oo-káu-hiann 生一个囝 senn tsi̍t-ê kiánn 这马夆判无期徒 tsit-má hông phuànn bô-kî-tôo 伫笼仔内 tī lông-á-lāi 咧算日头影 teh sǹg ji̍t-thâu iánn
凤娇姆仔咧唸歌 Hōng-kiau-ḿ--á leh liām-kua 较唸嘛是彼首歌 khah liām mā sī hit siú kua 凤娇姆仔爱唸歌 Hōng-kiau-ḿ--á ài liām-kua 较唸嘛是唸袂煞 khah liām mā sī liām buē suah 伊讲自古红颜多薄命 i kóng tsū-kóo hông-gân to po̍k-bīng 红颜多薄命 hông-gân to po̍k-bīng
凤娇姆仔彼担米粉炒 Hōng-kiau-ḿ--á hit tànn bí-hún-tshá 炒著无仝款人客的运命 tshá tio̍h bô kāng-khuán lâng-kheh ê ūn-miā 凤娇姆仔彼担米粉炒 Hōng-kiau-ḿ--á hit tànn bí-hún-tshá 炒著毋知影名的乌狗兄 tshá tio̍h m̄ tsai-iánn miâ ê oo-káu-hiann 凤娇姆仔彼担米粉炒 Hōng-kiau-ḿ--á hit tànn bí-hún-tshá 炒著岁月流转的变化 tshá tio̍h suè-gua̍t liû-tsuán ê piàn-huà 凤娇姆仔彼担米粉炒 Hōng-kiau-ḿ--á hit tànn bí-hún-tshá 炒著伊已经变白的头鬃 tshá tio̍h i í-king piàn pe̍h ê thâu-tsang 凤娇姆仔彼担米粉炒 Hōng-kiau-ḿ--á hit tànn bí-hún-tshá 炒著市场内外的喝声 tshá tio̍h tshī-tiûnn lāi-guā ê huah-siann 凤娇姆仔彼担米粉炒 Hōng-kiau-ḿ--á hit tànn bí-hún-tshá 炒著怹囝伫笼仔内的哭声 tshá tio̍h in kiánn tī lông-á-lāi ê khàu-siann
- 感谢 W.B. Chen 修正歌词
- 友站连结: W.B. Chen
|