- 歌词
- 专辑列表
- 歌手介绍
罗大佑
-
台北市的墓仔埔(口白:王武雄)
作词:王武雄 作曲:罗大佑 编曲:Anthony M.Fernandes 合唱:OK男女
OS:来来来,人济话就济,看三色人讲五色话,啊若囝仔人转去叫恁老爸,小 弟今仔日来到贵宝地,不是为著选举欲来讲哮话,是有好空的欲报乎咱大 家。来来来公司货路边价,高贵不贵俗俗仔卖,猪肉加当作咸菜价,横直 了钱生意免纳税,放店咧厝内是加镇地,啊若好运的人客紧来夹去配哦~
欢迎来散步 站台北市的墓仔晡啊 迷乱的国度 迷人的江湖 欢迎来散步 站台北市的墓仔晡啊 免惊无奈何 只要 过桥
黄金的马路 无站无节 拢是银票 有人有份 拢会得到 大家嘴笑目笑
只要有觉悟 站台北市的墓仔晡啊 放心来散步 完全无恐怖 只要有觉悟 站台北市的墓仔晡啊 先人会保护 一定好七逃
繁华的速度 无暝无日 无缘无故 你的前途 我的前途 行到世界的规模
咱不免假仙 不免假仙 不免彼歹势 这不免脑筋 不免责任 快乐的土地 今不免紧张 不免紧张 惊欲创啥货 这想了太多 嘛是犯罪 一切用买卖
OS:卡卡卡卡卡紧哦!快来看快来看!黑鸡下了个白鸡蛋!啊不要只是外面站 赶快进来挑进来看啊!
每日有进步 咱台北市的墓仔晡啊 欢乐像感冒 每暗咧散播 每日有进步 咱台北市的墓仔晡啊 无人被冷落 紧来相照顾
缘份的出租 起起落落 吞吞吐吐 你来报到 我来报到 大家心里有数
从来无错误 咱台北市的墓仔晡啊 黑白的帐簿 颠倒的宣布 从来无错误 咱台北市的墓仔晡啊 免惊得走路 只要有企图
言论的制造 无论堕落 还是圈套 无论阴谋 还是警告 全是进步的信号
咱不免假仙 不免假仙 不免彼歹势 这不免信心 不免责任 快乐的土地 今不免紧张 不免紧张 惊欲创啥货 这不敢讲话 嘛是犯罪 一切用买卖
OS:来哦~阮头家娘跟人走,阮头家拢不知道,我不是咧开玩笑,今仔日加卖乎了 卡赢咧搏输侷啊!
欢迎来散步 站台北市的墓仔晡啊 迷人的国度 真正好七逃 欢迎来散步 站台北市的墓仔晡啊 免讲无法度 只要 过桥
繁华的首都 三步两步 拢是进步 找无前途 不免吃醋 一支草有一点露
今不免假仙 不免假仙 不免彼歹势 这名声 祖先 良心 厝宅 拢嘛有咧卖 咱不免紧张 不免紧张 惊欲创啥货 这青春 美丽 错误 犯罪 拢嘛会漂白 拢不免假仙 不免假仙 不免彼歹势 这身躯 子孙 面子 土地 拢嘛有咧卖 咱不免紧张 不免紧张 惊欲创啥货 这不免 坦白 卡未 犯罪 一切用买卖
------------------------------------------
15000/《台北市的墓仔埔》Tāi-pak-tshī ê bōng-á-poo 罗大佑Lô Tāi-iū OK男女合唱团OK Lâm-lú Ha̍p-tshiùnn-thuân 王武雄(口白)
↓---(口白)---↓ 来来来 lâi lâi lâi 人济话就济 lâng tsē uē tō tsē 看三色人讲五色话 khuànn sann-sik-lâng kóng ngóo-sik-uē 啊若囡仔人 ah nā gín-á-lâng 转去叫恁老爸 tńg-khì kiò lín lāu-pē 小弟今仔日 sió-tī kin-á-ji̍t 来到贵宝地 lâi-kàu kuì pó-tē 毋是为著选举 m̄-sī uī-tio̍h suán-kí 欲来讲痟话 beh lâi kóng siáu-uē 是有好空 sī ū hó-khang 欲报咱逐家 beh pò lán ta̍k-ke
来来来 lâi lâi lâi 公司货 kong-si huè 路边价 lōo-pinn kè 高贵不贵 gāoguì bú guì 俗俗仔卖 sio̍k-sio̍k-á bē 猪肉共当做咸菜价 ti-bah kā tòng-tsuè kiâm-tshài kè 横直 huînn-ti̍t 了钱生理免纳税 liáu-tsînn sing-lí bián la̍p-suè 囥咧厝内 khǹg leh tshù--ē 是加镇地 sī ke tìn-tè 啊若好运的人客 ah nā hó-ūn ê lâng-kheh 紧来夹去配喔 kín lâi ngeh khì phuè--ooh ↑---(口白)---↑
欢迎来散步 huan-gîng lâi sàn-pōo 踮台北市的墓仔埔啊 tiàm Tāi-pak-tshī ê bōng-á-poo--ah 迷乱的国度 bê-luān ê kok-tōo 迷人的江湖 bê-lâng ê kang-ôo 欢迎来散步 huan-gîng lâi sàn-pōo 踮台北市的墓仔埔啊 tiàm Tāi-pak-tshī ê bōng-á-poo--ah 免惊无奈何 bián-kiann bô-nāi-hô 只要过桥 tsí-iàu kuè-kiô
黄金的马路 n̂g-kim ê bé-lōo 无站无节 bô-tsām-bô-tsat 拢是银票 lóng-sī gîn-phiò 有人有份 ū lâng ū hūn 拢会得着 lóng ē tit--tio̍h 逐家喙笑目笑 ta̍k-ke tshuì-tshiò-ba̍k-tshiò
只要有觉悟 tsí-iàu ū kak-ngōo 踮台北市的墓仔埔啊 tiàm Tāi-pak-tshī ê bōng-á-poo--ah 放心来散步 hòng-sim lâi sàn-pōo 完全无恐怖 uân-tsuân bô khióng-pòo 只要有觉悟 tsí-iàu ū kak-ngōo 踮台北市的墓仔埔啊 tiàm Tāi-pak-tshī ê bōng-á-poo--ah 先人会保护 sian-jîn ē pó-hōo 一定好𨑨迌 it-tīng hó tshit-thô
繁华的速度 huân-huâ ê sok-tōo 无暝无日 bô-mî-bô-ji̍t 无缘无故 bô-iân-bô-kòo 你的前途 lí ê tsiân-tôo 我的前途 guá ê tsiân-tôo 行到世界的规模 kiânn kàu sè-kài ê kui-bôo
咱毋免假仙 lán m̄-bián ké-sian 毋免假仙 m̄-bián ké-sian 毋免遐歹势 m̄-bián hiah pháinn-sè 遮毋免脑筋 tsia m̄-bián náu-kin 毋免责任 m̄-bián tsik-jīm 快乐的土地 khuài-lo̍k ê thóo-tē
咱毋免紧张 lán m̄-bián kín-tiunn 毋免紧张 m̄-bián kín-tiunn 惊欲创啥货 kiann beh tshòng siánn-hè 遮想咧太济 tsia siūnn leh thài tsē 嘛是犯罪 mā sī huān-tsuē 一切用买卖 it-tshè iōng bé-bē 更多更详尽歌词 在 ※ Mojim.com 魔镜歌词网
↓---(口白)---↓ 较较较较 khah khah khah khah 较紧喔 khah-kín--ooh 快来看快来看 kuài lái kàn kuài lái kàn 黑鸡下了个白鸡蛋 hēijī xià le ge bái jīdàn 啊不要只是外面站 a búyào zhǐshì wàimiàn zhàn 赶快进来挑进来看啊 gǎnkuài jìnlái tiāo jìnlái kàn a ↑---(口白)---↑
每日有进步 muí-ji̍t ū tsìn-pōo 咱台北市的墓仔埔啊 lán Tāi-pak-tshī ê bōng-á-poo--ah 欢乐像感冒 huan-lo̍k tshiūnn kám-mōo 每暗咧散播 muí-àm teh sàn-pòo 每日有进步 muí-ji̍t ū tsìn-pōo 咱台北市的墓仔埔啊 lán Tāi-pak-tshī ê bōng-á-poo--ah 无人被冷落 bô-lâng pī líng-lo̍h 紧来相照顾 kín lâi sio tsiàu-kòo
缘份的出租 iân-hūn ê tshut-tsoo 起起落落 khí-khí-lo̍h-lo̍h 吞吞吐吐 thun-thun-thòo-thòo 你来报到 lí lâi pò-tò 我来报到 guá-lâi pò-tò 逐家心内有数 ta̍k-ke sim-lāi iú-sòo
从来无错误 tsiông-lâi bô tshò-ngōo 咱台北市的墓仔埔啊 lán Tāi-pak-tshī ê bōng-á-poo--ah 乌白的数簿 oo-pe̍h ê siàu-phōo 颠倒的宣布 tian-tò ê suan-pòo 从来无错误 tsiông-lâi bô tshò-ngōo 咱台北市的墓仔埔啊 lán Tāi-pak-tshī ê bōng-á-poo--ah 免惊著走路 bián-kiann tio̍h tsáu-lōo 只要有企图 tsí-iàu ū khì-tôo 言论的制造 giân-lūn ê tsè-tsō 无论堕落 bô-lūn tuī-lo̍h 抑是圈套 ia̍h-sī khuan-thò 无论阴谋 bô-lūn im-bôo 抑是警告 ia̍h-sī kíng-kò 全是进步的信号 tsuân sī tsìn-pōo ê sìn-hō
咱毋免假仙 lán m̄-bián ké-sian 毋免假仙 m̄-bián ké-sian 毋免遐歹势 m̄-bián hiah pháinn-sè 遮毋免信心 tsia m̄-bián sìn-sim 毋免责任 m̄-bián tsik-jīm 快乐的土地 khuài-lo̍k ê thóo-tē
咱毋免紧张 tann m̄-bián kín-tiunn 毋免紧张 m̄-bián kín-tiunn 惊欲创啥货 kiann beh tshòng siánn-hè 遮毋敢讲话 tsia m̄-kánn kóng-uē 嘛是犯罪 mā sī huān-tsuē 一切用买卖 it-tshè iōng bé-bē
↓---(口白)---↓ 来喔 lâi--ooh~ 阮头家娘缀人走 gún thâu-ke-niû tè-lâng-tsáu 阮头家拢不知道 gún thâu-ke lóng bù zhīdào 我毋是咧开玩笑 guá m̄-sī teh kāiwánxiào 今仔日共卖予了 kin-á-ji̍t kā bē hōo liáu 较赢咧跋输筊啊 khah iânn teh pua̍h-su-kiáu--ah ↑---(口白)---↑
欢迎来散步 huan-gîng lâi sàn-pōo 踮台北市的墓仔埔啊 tiàm Tāi-pak-tshī ê bōng-á-poo--ah 迷人的国度 bê-lâng ê kok-tōo 真正好𨑨迌 tsin-tsiànn hó tshit-thô 欢迎来散步 huan-gîng lâi sàn-pōo 踮台北市的墓仔埔啊 tiàm Tāi-pak-tshī ê bōng-á-poo--ah 免讲无法度 bián-kóng bô-huat-tōo 只要过桥 tsí-iàu kuè-kiô
繁华的首都 huân-huâ ê siú-too 三步两步 sann-pōo nn̄g-pōo 拢是进步 lóng-sī tsìn-pōo 揣无前途 tshuē-bô tsiân-tôo 毋免食醋 m̄-bián tsia̍h-tshòo 一枝草有一点露 tsi̍t-ki tsháu ū tsi̍t-tiám lōo
咱毋免假仙 lán m̄-bián ké-sian 毋免假仙 m̄-bián ké-sian 毋免遐歹势 m̄-bián hiah pháinn-sè 遮名声祖先 tsia miâ-siann tsóo-sian 良心厝宅 liông-sim tshù-the̍h 拢嘛有咧卖 lóng-mā ū teh bē
咱毋免紧张 lán m̄-bián kín-tiunn 毋免紧张 m̄-bián kín-tiunn 惊欲创啥货 kiann beh tshòng siánn-hè 遮青春美丽 tsia tshing-tshun bí-lē 错误犯罪 tshò-ngōo huān-tsuē 拢嘛会漂白 lóng-mā ē phiò-pe̍h
拢毋免假仙 lóng m̄-bián ké-sian 毋免假仙 m̄-bián ké-sian 毋免遐歹势 m̄-bián hiah pháinn-sè 这身躯囝孙 tse sin-khu kiánn-sun 面子土地 bīn-tsú thóo-tē 拢嘛有咧卖 lóng-mā ū teh bē
咱毋免紧张 lán m̄-bián kín-tiunn 毋免紧张 m̄-bián kín-tiunn 惊欲创啥货 kiann beh tshòng siánn-hè 遮毋免坦白 tsia m̄-bián thán-pi̍k 较袂犯罪 khah bē huān-tsuē 一切用买卖喔 it-tshè iōng bé-bē--ooh
- 感谢 路人甲 W.B. Chen 修正歌词
- 友站连结: W.B. Chen
所有评论 ( 1 )
|